Dîrok û Dewletên Kurdî : Rewşa KurdIstan di Sedsala 21'an de - Serhildana 12ê Adara 2004 ya başûrojavayê Kurdistanê

>> Rewşa KurdIstan di Sedsala 21'an de

>Kurdistana Rojava Serhildana 12ê Adara 2004 ya

Di 12ê Adara 2004an de li Qamişloyê di maça maça fitbolê di navbera Kurdan û Erebên şoven,hêzên Sûrîye de pevçûnek derketi bû û di encama pevçûnê de hin Kurd şehîd bûbûn.

Piştre bûyer li seranserê Qamişloyê belav bû û bi giştî 12ê Adarê de 29 Kurd şehîd bûn û her wiha 4 Ereb û 19 leşkerê Sûrîye jî miri bûn

Piştre erîşên rejîma Sûrîye li seranserî Rojavayê Kurdistanê de êrîşbir ser gelê Kurd.

Li hemû Kurdistana Rojavade Serhildana Gel destpêkir û pevçûnên di navbera Kurdan û hêzên Sûrîye de mezintir bû.

Sûrîye hêzekê mezin ya leşkerî şiyand Rojavayê Kurdistanê.Sûriya bi dehan kes xiste girtîgehê û bi sedan Kurd jî bi zext û êşkenceyê re rûbirû man.14ê Adarê de li Kobanî,15ê Adarê de li Efrînê û 16ê Adarê de jî li Helebê bûyer destpêkirin.

Hêzên rejîma Sûrîye neçar mabûn ku hêzên xwe vekişînin.Lê piştî vekişandina hêzên Ewlekarîya Sûrîye vê carê jî eşîrên Ereb ku ji Sûrîye alîkarî girtibûn êrîşî mal û dikkanên Kurdan kirin.

Serhildan heta 18ê Adarê berdewam kir û di encamê de dehan Kurd şehîd bûn û sedan kes jî ji alîyê rejîma Sûrîye ve hatibûn girtin.Bûyerên li Başurê-Rojavayê Kurdistanê dimedyaya Cîhanê de jî cihekî mezin girt û raya giştî de jî gelek deng veda.

Ala rejîma Baas ya Şoven jî ji alîyê Serilderan ve hate şewtiandin.

Kurdên li Kurdistana Azad,Kurdistana Bakur,Kurdistana Rojhilat û Kurdên lidervey welat bi taybetî li Ewrûpa bi meş,mîtîng û çalakîyên mezin piştgirî dan serhildana mezin ya Kurdên Rojavayê Kurdistanê.Di navbera Kurdan de nêzik bûn û yekbûneke nedîtî pêkhat.Hemû medyaya Kurdî jî cîheke girîngveqetand bo vê serhildanê.

Balkeş bû ku xwepêşandanên li Kurdistana Başur de slogana QAMIŞLO HELEBÇEYE,KURDISTAN YEK PERÇEYE derkete pêş.Dîsa di heman rojan de li Kurdistana Rojhilat serhildanên bicuk çêbûn.

Her karesat gelê Kurd hin nêzikî hev dikir wek serhildana Qamişloyê.

Lê dijminên Kurd û Kurdistan hin jî fêm nekirin ku gelê Kurd bi bombeyan,bi tehditan,bi işkenceyan,bi çekan,bi zilman,bi provakasyonan,bi inkaran,bi şêwayên teroristî,bi qedexeyan naye têk birin.

Piştî serhildana Qamişloyêyê yekem car rejîma Sûrîye hebûna Kurdan qebûl kir û di navbera heyetên Kurd û Hikumeta Sûrîye de hevdîtinana pêk hat.Her çiqas rejîma Sûriye sozên xwe neanîbî cîh jî serhildana 12ê Adarê mora li dîroka Kurdistanê xist û bo Kurdên Rojava werçerxanek bû.Piştî serhildanê dengê Rojavayê Kurdistanê ji berê gurtir derket û di nav çalakî û weşanên Kurdên Rojava de zêde bûnek çê bû.

Lê Rojavayê Kurdistanê de hin jî pirgirêka bingehin nebûna yêkîtîyê di navbera hêzên sîyasî de ye.Berovajî yekbûnê hêzên Rojavayî ji hev vediqetin û ev jî darbeyek mezin li têkoşîna Kurdên Rojavayê Kurdistanê dixe.Yekîtî û yêkrêzî wek li hemû Kurdistanê li Rojavayê Kurdistanê de jî kêşeyeke mezin e.

çavkanî:HAWARDENGÛBAS / Rebiwar KURDO