|
rûpela serî
|
|
Ey ciwanê kurd…Banga Dr. M. Nurî DÊRSÎMÎ
Banga Dr. M. Nurî DÊRSÎMÎ ya ji bo ciwanên kurd ku bi zimanê tirkî hatiye
nivîsandin cara yekemîn li kurdî hate wergerandin....
/....Ey xortê mert ê gelê ku zilma sedsalan li ser hatiye meþandin, li min
guhdarî bike!...
TOLHILDAN!!
Tolhildan!...
Ji bo paqijkirina lekeya li ser namûsa kurd;
Tolhildan!..
Ji bo kêmkirina qîrîn û hawara bi sedhezaran zarokên kurd ên hatine sûngokirin
;
Tolhildan!...
Dr. M. Nurî DÊRSÎMÎ
Ey xortê mert ê gelê ku zilma sedsalan li ser hatiye meþandin, li min guhdarî
bike!
Dema ku þefeqa mirovahiyê ronî bû, çirûskên wê yên pêþîn, ji deryaya Hînt heta
Kafkasan, ji Asyaya Biçûk heta Asyaya Navîn, li eniya nifþê te yê mezin ê bi
rûmet da.
Dîroka te, dîroka serpêhatiyên lehengiyeke bê dawî ye. Ji ber ku tu zarokê
gelê ku ji çil sedsalan heta niha ji bo hebûneke bi namus û azad, þer dike yî
û ew gel îro jî ji þer ne westiya ye.
Em hemû deyndar in ku bi çavên hiþyar, fêlbaziyên dîrokê, sedem û rastiya
jiyana kurdan a duh bi bahoz û boran, felaket û êþên ku îro kurd dikiþinin
bibînin.
Ji bo parastina hebûn û kesayetiya xwe tu gelan qasî me demdirêj û bênavber
þer nekiriye. Di dîroka me ya dirêj de, tu hêzê îtîrafa têkçûnê bi me ne daye
kirin. Rûyê kurdan, her dem wekî welatê wan ê berz, bilind maye û tu caran li
ber tu fetîhan serê xwe ne tewandiye.
Rastiya hebûna kurd, îro jî rastiyeke ku gûman jê neyê kirin e. Ji ber ku
kurdan þerê hebûn û nebûnê ne terikandiye, têkçûn nepejirandiye, biryar daye
ku di nava gelên cîhanê de cihê xwe bigire. Gelê kurd ji jiyanê hez dike û ji
bo jiyanê dizane bimire jî.
Ey kurê kurd, ey keça kurd, divê cîhan vê biryara te bizane!
Her zindiyê ku dixwaze bijî, divê ji bo jiyanê þer bike!
Gelê ku dixwaze cihekî wî li ser rûyê cîhanê hebe, divê þer bike!
Pîvana xwezayê ya ku naguhere ev e. Zagona bêeman a cîhana kîmyevî, nebatî û
ajalî ev e; têkoþîn û þer!...
Ev pîvan ji bo nifþê mirovahiyê hê bêemantir e. Nifþ ji bo nifþekî din, gel ji
bo gelekî din û mirov ji bo mirovekî din, tirinde û lawir e.
Þaristaniya mirovahiyê hê nikariye vê pîvan û zagonê biguhere, nekariya zagona
þer rake. Îro jî divê ji bo jiyanê þer bê kirin, rev û bazdan mirin e.
Kurd naxwaze bimire. Gelê Kurd ji bo jiyanê biryar daye û dê her bijî.
Di dîroka me ya dirêj de gelek nifþ, gel û dewletan hewl daye ku kurdan
bikujin, xwestiye mafê wan ê jiyanê ji dest bitsînin, lê bi ser neketine. Ji
rojhilat, ji rojava, ji baþur û ji bakur nijdevanên, cîhangîr li qeraxên
çiyayên kurd þikestîne û li hemberî wêrekiya kurd parçe parçe bûne. Hêzên
Kahhar ên ku qedera dîroka cîhanê guherîne, dawî li hebûna gelek miletan
aniye, gelek miletên ku hevdemên me bûn ji rûpelên dîrokê hatine birin, lê
kurdê ku ji têkoþînê dest bernedaye, li dijî dîrokê eniya xwe ya bi xwîn
bilind kiriye û gotiye: "Ez nemirîme, ezê bijîm!".
Dîroka tu gelan qasî ya me bi xwîn nebûye. Welatê tu gelan qasî yê me rûberî
êrîþ û nijdevaniyan nehatiye. Tu gelî qasî me, bênavber þer nekiriye. Di bin
her þert û mercên neyînî de jî, kurdê ku destê wî çek digire teslîm nebûye. Li
gel hejmara mezin a Hêzên Kahhar kurdan her dem bi gotina; 'ERÊ' bersiv daye
banga wan a þer.
Va ye hîkmeta hebûna me, raza berdewama jiyana me di nava vê gotinê de
veþartiye.
Ey pêþeroj û hêviya nifþê min, Ciwanê Kurd! Ez vî behremê kêm-qîmet diyarî te
dikim.
Guh bide vê feryada kurdê ji welatê xwe dûr, dilê wî bi êþa neteweyî diþewite,
giyana wî ya tînî û derbeder bi arê derketina roja azadî û serxwebûna kurd
hilketiye. Guh bide banga zarokekî Dersîmî yê ku mehþera tolhildanê di zendên
te yên nayên tewandin de hêvî dike !
Ez qêrîna bi hezaran bûk û keçên me yên ku ji bo namûs û þerefa te neyê
lewitandin, xwe di þkêr û çiyayên welat de avêtine himbêza mirinê, ji te re
dinalînim....!
Ez feryada kur a kurdê hatiye kolekirin, dilop dilop ziman û neteweya wî
hatiye kuþtin û rûmeta wî hatiye binpêkirin, ji te re dilorînim...
Dema mirin li ser çavên xwîþk û birayên te yên ku sûcê wan bi tenê kurdbûn bû
serdest dibû , dema ji çiyayên Kurdistanê yên zimrûd, ji zozanên beroj ber bi
deþta hiþk û ziwa dihatin rakiþandin, ji birçîbûnê û bi singo û guleya dijminê
kahpe dimirin, di asoya hêviyên wan de tu wekî rojeke geþ xuya dibûy…
Fermana yaman û wasiyeta wan a ku bi yek gotinê ji te re hiþtî ye:
TOLHILDAN!!
Tolhildan!...
Ji bo paqijkirina lekeya li ser namûsa kurd;
Tolhildan!..
Ji bo kêmkirina qîrîn û hawara bi sedhezaran zarokên kurd ên hatine sûngokirin
;
Tolhildan!...
Ji bo aþkirin û kêmkirina hawara keç û bûkên Kurdistanê yên ku avêtine geravan
û di nava agir de hatine þewitandin;
Tolhildan!...
Ji bo bicihanîna armanca qurbaniyên ku bi qehremanî di bin sêdarê de, mirin bi
dirûþma; "Bijî Kurdistana azad û serbixwe!" pêþwazî kiriye û taca þehadetê
hilgirtiye ;
Tolhildan!..
Ji bo selihandina welatê mader ê wêrankirî yê bi navê Kurdistanê;
Tolhildan!...
Ji bo paqijkirina welat ji laþê gemar ê çeqel û keftarên ku li diyarê kurdan
dilorin;
Tolhildan!..
Ji bo ku bidawîkirina hewte hewta kuçikên ku dikevin dû kehbika bi navê
'Medeniyet' û êrîþî me dikin;
Tolhildan!... Tolhildan!...Tolhildan!...
Bi tenê ev gotine ye, wastiyeta ku li ser cesedên þehîdên me, bi xwîn û
hestirên çavan hatiye nivîsandin!...
Divê her ferdê bi namûs, her mirovê ku dilê wî bi kurdbûnê lê dide, her ciwanê
ku di demara canê wî de xwîna kurd, diherike vê wasiyetnameyê ji bîr neke.
Heta ku wê bi cih neynî, rehet neke, bi rehetî ranezê û bixebite!
Em deyndar in, li ser riya nifþê kurd ku dîroka me ya duh bi xwîna xwe
nivîsandiye bimeþin û rêwî bin li ser þopa ku wan bi xwîna xwe diyar kiriye!
Emê bi xwîna xwe asoya sor a serxwebûna kurd ronî bikin. Emê bi volkanên
giyana xwe roja helesor û ronî ya rizgariya kurd biafirînin!
Çavê dîroka Cîhanê li ser me ye. Þehîdên me, çav li rê li benda me ne!
Bi hezaran qurbaniyên ku me pêþkêþî Xwedayê Azadiyê kirine, li bendê ne ku em
gorekê jê re amade bikin. Li bendê ne ku em abîdeyekê ji bo bîranîna wan ava
bikin!..
Ev abîde, Kurdistana azad û serbixwe ye!
Ev abîde, dewleta Kurd e, ku di nava civata neteweyan de cihê xwe yê bi rûmet
û bi þeref bigire.
Em giyana þehîdên xwe bextewar bikin!
Bijî Gelê Kurd ê ku xwedî qehreman û leheng, bijî Kurdistana azad û serbixwe!
|
|
girêdanên sponsor
........
|
